اعلان اعلى المواضيع
المقادير
1/2 كيلو دقيق تورتة جاهز+6 بيضات+ فانيليا+1/2كوب ماء
الطريقة
نخلط البيض والماء والدقيق وبالمضرب على السرعة البطيئة دقيقتين وبعدين
نزود على السرعة العالية ونضربه لمده 7 دقايق
بعد ما الخليط يبقى كريمى ياقمرات نبطن
صينية بالزبدة والكاكاو أيوا الكاكاو بالشكل ده
ونصب الخليط وندخلها الفرن اللى كنا مولعينه
من أول مبدأنا نشتغل
ونظبط حرارته على 180
وندخلها الفرن ونسبها ومنفتحش عليها خالص قبل 1/2 ساعة هتاخد
حوالى 3/4 ساعة
وده شكلها
بعد ما طلعت من الفرن
هنقطعها 3 شرايح يابنات بالشكل ده
هنجهز كريمة الزبدة بالكاكاو
مكونات كريمة الزبدة
1 كوب زبدة بدرجة حرارة الغرفة - 3/4 كوب كاكاو نوع كويس - فانيليا
2ونص كوب سكر بودرة جاهز - نص كوب لبن
2ونص كوب سكر بودرة جاهز - نص كوب لبن
نضرب الزبدة مع السكر البودرة
وبعدين نضيف اللبن والكاكاو..
وهنا حطيت عليها بندق مفروم
ودى الطبقة التانية هنعملها بنفس الطريقة
وهنا الكريمة قلبت معاها شوية كريم شانتيه و
غلفت بيها الكيكة من برة بالشكل ده
هنبدأنجهز ميروار الشيكولاتة
هنبدأنجهز ميروار الشيكولاتة
هنطرى ورقتين جيلاتين بالشكل ده
وبعدين هناخد 180 مل لبن نضيف عليهم 1/8 كيلو شيكولاتة
خام +2 ملعقة كبيرة زبدة ونقلبهم
على النار لحد م الشيكولاتة تسيح
نحط الجيلاتين الورق فى شوية ميه 1/4 كوب ونغليهم على النار ونقلب لغاية ميدوب
نضيفه على الشيكولاتة ونسيبها تهدى شوية
نصبها على الكيكة بالراحة وده شكلها
ندخلها التلاجة حوالى ساعة بعد منشيل الشيكولاتة اللى بتنزل منها ونسيبها تهدى
ونبدأ نزوقها من فوق بالكريم
وده كان الشكل اللى عملته حبيت يكون بسيط
الف هنا
الف هنا
ادسنس وسط المقال
ادسنس اسفل المقال
تعليقات
إرسال تعليق