كيكه البسكوت والشيكولاته‏.

اعلان اعلى المواضيع

المكونات

علبة كريمة لباني او الكريم شانتييه
كريمة شانتيه مخفوقه 3 اكواب
علبة قشطه وخمس حبات بريزيدن (بديل للماسكربوني )جبن مثلثات
كوب سكر خشن
صفار خمس بيضات
قهوة اكسبريسو
كاكاو خام
وانا كمان استعملت حليب مركز بس نسيت اصوره في المكونات
الطريقة سهله

هنخفق الكريمة اللباني
ثم نضيف لها الكريم شانتيه المخفوق
ثم نضيف الجبنه البريزيدن والقشطه
وانا ضفت لبن مركز كمان له طعم لذيذ
بعد ما انتهيت من خفق الكريمات
تركتهم علي جنب في التلاجه
لغاية ما احضر الصفار واسويه
علي حمام مية

بضيف السكر علي الصفار واسويه
ومننساش الفانليا
ولازم يستوي الصفار كويس قوي ونعرف انه استوي لما يغلظ قوامه

ولما يبرد نضيفه علي خليط الكريمات
والحقيقة لقيت ان الخليط ساب حبه مني فضفت كريمة شانتيه مرة تانيه ليغلظ قوام الخليط مرة تانيه
وقسمت الخليط نصفين
نصف تركته ابيض والنصف التاني ضفت له كاكاو
علي شان يبقي عندي لونين
وبدات بقي اجهز الصنيه
الاول غمست البسكوت في القهوة البارده
بس مش نغمسها قوي
علي شان يضل البسكوت متماسك
وميدوبش في وسط الكريمه
وبعد ما رصيت البسكوت في قاعدة الصنية ضفت الكريمه
البيضا
ورصيت طبقة تانية من بسكوت السافويار
ثم طبقة الكريمة اللي ضفت لها كاكاو
وعلي وش الصنية
زينت بالكريمة البيضا زي ما شايفين
ومرحلة اساسيه انه نرش الكاكاو علي وش التراميسيو
وندخلها بقي الفريزر
انا عملته من بالليل وطلعته تاني يوم
وكان متماسك وجميل

وطبعا ل نقدر نفكها من الصنيه
نبلل فوطه بماء سخن ونلفها علي الصنية
هتفك ان شاء الله
وطبعا تتقدم حسب الرغبه

ولتحضيره بدل شرائه
السوفايار

200 جرام دقيق
150 جرام سكر
هنقسم السكر ل125 جرام سكر بودرة
و25 جرام سكر خشن
6 بيضات معزولين الصفار عن البياض
فانليا وملح
الطريقة

نعزل الصفار عن البياض
ونخفق البياض دقيقتين حتي تظهر له الرغوة
وعند ظهور الرغوة
نضيف السكر الخشن
حبه حبه
وفايدة السكر الخشن انه يعطي قوام متماسك للمارنج
ثم نضيف بقية السكر البودرة
وعند الانتهاء نضيف الصفار واحده واحده
ونقلب من فوق لتحت بالراحه
ونضيف الفانليا
ثم نضيف الدقيق معلقة معلقة مع التقليب من فوق لتحت بالراحه
حتي لا يهبط الخليط
ثم نستعمل كيس الحلواني في تشكيل البسكوت
وفي النهايه هنحصل علي احلي بسكوت سافويار سهل ورخيص

ادسنس وسط المقال

ادسنس اسفل المقال